მცირე ბიზნესიდან საზოგადოების ცენტრამდე

დასაწყისში მისი გზა ნელი და თანმიმდევრული იყო. მოკგადის მამა ფუტკრების სკებს ფლობდა რეგიონის მასშტაბით და მოკგადი ადრეული ასაკიდანვე ყიდდა თაფლს, რომელსაც მამამისი ასხამდა ბოთლებში და გასაყიდად ამზადებდა სამზარეულოში. მომხმარებლები მეტწილად მისივე მეგობრები და მეზობლები იყვნენ. მალევე, მოკგადი იმაზე მეტ თაფლს ყიდიდა, ვიდრე მამამისს მოწოდება შეეძლო და გადაწყვიტა, რომ საკუთარი სკებიც ჰქონოდა.

პირველ დღეებში, შეკვეთებს ელ. ფოსტით იღებდა, ელექტრონულ ცხრილში აღრიცხავდა და საკურიერო სერვისით მიჰქონდა მყიდველთან. მან საუცხოოდ გამართა წარმოების მთელი ჯაჭვი და თანდათან მისი ბიზნესი გაიზარდა ზეპირსიტყვიერი მარკეტინგის დახმარებით. მალევე, მეგობრის დახმარებით, ვებ-გვერდი შექმნა და პროდუქციას ონლაინ სივრცეშიც არეკლამებდა. ბიზნესი მუშაობდა კარგად, თუმცა შეზღუდულად. „Native Nosi“-სთვის გადახდა მხოლოდ ნაღდი ფულითა და საბანკო გადარიცხვით შეიძლებოდა.

„ჩვენი გაყიდვების მაქსიმუმს მივაღწიეთ, რადგან მხოლოდ ნაღდი ფულით გაყიდვა შეგვეძლო. როცა მხოლოდ ნაღდი ფულით აწარმოებ ანგარიშსწორებას, რეალურ ბიზნესად ვერ ჩაითვლები“.

მოკგადიმ იცოდა, „Native Nosi“ რომ განვითარებულიყო და ადგილობრივი ეკონომიკის მნიშვნელოვანი ნაწილი გამხდარიყო, გადახდების ახალი სისტემა უნდა შემოეღო, მაგალითად, საკრედიტო და სადებეტო ბარათებით გადახდა.

„თითქოს მარტივად ჟღერს — გადახდის პროცესში საკრედიტო და სადებეტო ბარათების დამატება. თუმცა ადგილობრივი ბანკები მაღალი შემოსავლის დასტურს ითხოვენ, სანამ მცირე ბიზნესებს ბარათებით გადახდის მომსახურებას შესთავაზებენ. მათ მიერ მოთხოვნილ შემოსავლის ზღვარს ვერ ვაღწევდი, რადგან ვერ ვიყენებდი საკრედიტო ბარათებს, ამიტომაც საგონებელში ჩავვარდი“. 

მოკგადის დიდხანს არ უფიქრია. მან გამოსავალი იპოვა Visa-ს პარტნიორ Yoco-ს სახით, რომელიც სამხრეთ-აფრიკული ფინტექ კომპანიაა და მცირე ბიზნესების მხარდასაჭერად შეიქმნა. რამდენიმე დღეში მოკგადი უკვე საკრედიტო და სადებეტო ბარათებით ონლაინ-გადახდებს იღებდა და „Native Nosi“-მ სწრაფი ტემპით განვითარება დაიწყო.

მისი ბიზნესი ახლა უკვე სტაბილურად მუშაობს და მოკგადი მისნაირი ახალგაზრდების დახმარებაზე ფიქრს დაუბრუნდა. როგორ შეეძლო მას თავისი გამოცდილების გამოყენება სხვა ქალების კარიერული წინსვლის მხარდასაჭერად? მას წარმოდგენილი ჰქონდა დიდი სივრცე — ადგილი, სადაც მომხმარებლებს შეეძლებოდათ მის მიერ გულით შექმნილი პროდუქციის ნახვა და დაგემოვნება. სადაც თაფლი ფართო საზოგადოების ყურადღების ცენტრში იქნებოდა. და სადაც ის შეძლებდა სხვა აფრიკელი ქალი მეწარმეების მხარდაჭერას.

2020 წლის ივლისში, გლობალური პანდემიისა და არაპროგნოზირებადი ეკონომიკური მდგომარეობის ფონზე, მოკგადიმ პრეტორიაში გახსნა „Native Nosi“-ს სავაჭრო ობიექტი. „ჩემი მიზანი არ არის სხვებზე მეტი თაფლის გაყიდვა. ჩემი მიზანი და ვალდებულებაა, რომ გავუნაწილო სამყაროს ის, რასაც ვგრძნობ და დავეხმარო ჩემნაირ ადამიანებს მომხმარებლებთან დაკავშირებაში, სპეციალური პლატფორმის შეთავაზებით. ჩემი მიზანია მათთვის იმ დაბრკოლებების მოშლა, რასაც მე გადავაწყდი“. 

ასე რომ, „Native Nosi“-ს ნატურალური თაფლის გვერდით, თაროებზე, თქვენ შეგხვდებათ კანის მოვლის ბუნებრივი საშუალებები, მარულას თხილის ნატურალური კარაქი, ჩაი, ფხვნილები და შოკოლადი — ეს ყველაფერი შექმნილია მოკგადის მსგავსი სამხრეთ-აფრიკელი ქალების მიერ, რომლებიც ახლა იწყებენ ბიზნესს. „არ მინდა უბრალოდ მუშაობა. სამუშაო ადგილების შევქმნა მსურს. და წავახალისო გამორჩეული ახალგზარდები სამხრეთ აფრიკაში. “ჩვენ ვალდებულები ვართ, მივცეთ ახალგაზრდა სამხრეთ-აფრიკელებს ოცნების შესაძლებლობა” - ამბობს ის. „დიახ, მე თაფლს ვაწარმოებ. თუმცა ჩემი მიზანი ბევრად უფრო დიდი რამ არის“.