Visa-ს ფონდი

ვმუშაობთ საერთო ხედვით

ვაკვირდებით, ვისმენთ, ვაანალიზებთ, შემდეგ კი ვეხმარებით.

გვჯერა, რომ ჩვენი გუნდის წევრებსა და პარტნიორებს შორის არსებული გულწრფელი და გამჭვირვალე ურთიერთობები საშუალებას გვაძლევს, უზრუნველვყოთ შეხედულებების, უნარებისა და რესურსების მრავალფეროვნება გლობალურ გამოწვევებთან გასამკლავებლად.

ვხსნით სისტემურ ბარიერებს

ვისახავთ ხედვას, თუ რამდენად შორს წავიდეთ.

გლობალური ეკონომიკის ინკლუზიურობის ხელშეწყობის მიზნით, ჩვენ ვცდილობთ, შევამციროთ სისტემური ბარიერები მცირე ბიზნესისთვის, კერძოდ, იმ ნაწილისთვის, რომელსაც უძღვებიან ქალები ან ნაკლებად წარმოდგენილი ჯგუფები.

ვავითარებთ მასშტაბირებად გადაწყვეტებს

ვიწყებთ საბოლოო მიზნის დასახვით.

ჩვენ ვცდილობთ, დავეხმაროთ ინოვაციური გადაწყვეტების განმავითარებელ პარტნიორებს და ვზრუნავთ იმ ინიციატივების პოპულარიზაციაზე, რომლებიც ხელს უწყობს უფრო სამართლიან მცირესამეწარმეო ეკოსისტემას.

2020 წლის აპრილში Visa-ს ფონდმა წამოიწყო სამართლიანი წვდომის ინიციატივა, ხუთწლიანი, 200$-მილიონიანი სტრატეგიული ვალდებულება მსოფლიო მასშტაბით გენდერულად მრავალფეროვანი და ინკლუზიური SMB-ების ხელშესაწყობად. ინიციატივის ფარგლებში, ჩვენ გამოვყოფთ $60 მილიონს გრანტების სახით და 140$-მილიონიან ინვესტიციას სოციალური ცვლილებებისთვის გენდერული მრავალფეროვნების განხრით.

Visa-ს ფონდი მიიჩნევს, რომ SMB-ებისთვის კაპიტალის უწყვეტობის უზრუნველყოფას გადამწყვეტი მნიშვნელობა აქვს მათი მდგრადობისა და განვითარებისთვის. ამდენად, Visa-ს ფონდი მიზანია, გააუმჯობესოს სამართლიანი და ეფექტური წვდომა კაპიტალზე ბიზნესის განვითარების სხვადასხვა ეტაპზე, ხელი შეუწყოს გენდერულად მრავალფეროვან და ინკლუზიურ მცირე ბიზნესს და ინკლუზიურ ეკონომიკურ ზრდას. დამატებითი მიზანია ფართო მასშტაბით სექტორზე ზემოქმედება იმისთვის, რომ გენდერული განხრით ინვესტირებამ ნიშიდან წამყვან მიმართულებაში გადაინაცვლოს.

გრანტების გაცემის მეშვეობით Visa-ს ფონდი თანამშრომლობს ორგანიზაციებთან, რომლებიც კაპიტალის მოძიების, შესაძლებლობების შექმნისა და მხარდაჭერის მომსახურებას უწევენ გენდერულად ინკლუზიურ და მრავალფეროვან SMB-ებს. ამას გარდა, Visa-ს ფონდი გრანტების გაცემის მეშვეობით ხსნის ბარიერებს, რომლებიც ხელს უშლის გენდერულად მრავალფეროვან SMB-ებს საინვესტიციო კაპიტალის მიღებაში.

Visa-ს ფონდის ვალდებულება, მოახდინოს 140$-მილიონიანი ინვესტიცია შუამავლებსა და ფონდებში გლობალურად, უპირველესად ორიენტირებულია განვითარებად ბაზრებზე და ითვალისწინებს გენდერულ მრავალფეროვნებას მთელ პორტფელში, SMB-ებიდან დაწყებული, ვენჩურული კაპიტალის პარტნიორების ჩათვლით. ფონდის მიზანია, გაიზარდოს იმ ქალების რაოდენობა, რომლებიც აკონტროლებენ კაპიტალს, იმ ქალი მეწარმეების რაოდენობა, რომლებსაც აქვთ აღნიშნულ კაპიტალზე წვდომა, და იმ ქალების რაოდენობა, რომლებიც სარგებლობენ აღნიშნული ბიზნესით, როგორც თანამშრომლები ან კლიენტები.